.*第五十九章°[緣*
我出左院番到屋企，
開門見到o既係阿柔姨姨....
我同阿爸都好驚訝，我即刻上前攬實阿柔姨姨......
柔【傻妹，無事丫嘛。又暈呀?】
我【嗯....唔好講我勒。你去左邊度黎呀?!】
柔【你阿爸無同你講我去旅行咩?!】
我【有呀，我問佢你幾時番佢又無講...】
柔【哈…我原本諗住去5日嫁,,點知我又感應到你有事咪早D番黎囉,,,】
我【咁你去左邊度玩呀?!開唔開心呀?!】
柔【你冷靜D先,,ha*我地食完飯先傾啦,,我入去煮飯勒....】
我相信阿柔姨姨番到黎可以一次過幫我解哂所有問題。
我番到黎不停咁講野，而阿爸就開心到坐係度,,,
佢o既笑容有種重獲o既感覺....
食完飯之後，突然間個門鈴響起。
當我打開門，見到o既係阿媽o既笑容.......
我有幾耐無見阿媽?
我都唔記得勒....
媽【阿冰你無事丫嘛】
我【我無事.....入黎坐丫..】
不知不覺間我同阿媽有種隔膜...
阿媽行入黎之後，原來阿SIR都黎左..
我同佢微笑,,,,大家都有點尷尬。
阿柔姨姨係廚房聽到有門聲，
都出黎睇下勒,,,,
柔【咦,,,你地黎左呀?!隨便坐丫,,我入去洗埋D碗就得嫁勒】
我就有點尷尬咁斟左D水俾佢地...
我【阿媽乜你拎咁多野黎o既?!】
媽【係呀,,,我之前去左旅行買左D野嘛,,,特登拎過黎送俾你地嫁...】
阿柔姨姨同阿媽兩個都係去旅行，又兩個都一齊番黎，會唔會有可疑??
我【咦...阿媽你咁早番黎o既?!】
媽【阿仁((阿SIR))留左言俾我話你有事,,咁我買完野咪番黎囉...】
我【哦.........】
媽【阿冰你過黎丫，我買左D野俾你呀....】
阿媽從佢o既手袋中，拎左條手鏈出黎...
阿媽兩三下手勢就幫我帶起條手鏈..
我留意左幾眼,,,咦....我發覺條鏈上面有0303呢個號碼...同阿烈送俾我條頸鏈o既背面都有呢個數字...
我【咦…阿媽點解會有NO.o既??】
媽【哦,,,0303係代表一個保護嫁,,佢封鎖係條鏈度就會保護你順順利利嫁勒...】
原來阿烈送條鏈俾我係咁大意思。
我【多謝阿媽】
我好多謝阿媽俾我知道左呢個答案。
媽【咦,,,你阿爸呢?!我買左條TAI俾佢呀...】
我【係啵,,,阿爸呢?!可能沖緊涼呀...】
然後阿媽從佢手袋就拎左條TAI同埋支香水出黎...
媽【呢支香水俾阿柔嫁...】
我就微笑就算....
個氣氛都好尷尬.....
阿柔姨姨洗完碗出左黎.....
柔【阿絲，去左邊玩呀?!】
阿柔姨姨就慢慢坐左係我身邊，搭住我膊頭。有種好安全好親切o既感覺....
媽【無呀，去左泰國o個邊諗住買新傢俬嘛...】
柔【哦.......早知同你一齊去啦....】
咦…阿柔姨姨咁樣講即係佢地唔係一齊去旅行啦.....
我【係啵阿柔姨姨，你去左邊度旅行呀?!】
柔【我去左韓國囉.....】
我【哈哈…手信呢?!】
柔【哈…實有你份o既,,我入房拎俾你地...】
大家都笑左一笑.....
阿柔姨姨由房度拎住好多野出黎...
柔【拿,,,呢份俾你o既...】
阿柔姨姨拎左個首飾盒俾我....
我【哈…好巖我呀,,多謝】
阿柔姨姨對左我笑一笑,,,然後再拎左支香水出黎....
柔【送俾你嫁阿絲...】
媽【哈…我地真係心有靈犀...我都買左香水俾你...】
點解兩個女人可以相處得咁融合?!
曾幾何時仲同時分享一個男人,,而家就好似姐妹咁,,
女人果然善變。
我【阿媽阿媽，點解你同阿柔姨姨同一時間都係出去旅行o既??】
媽【祕密!!!!哈哈】
柔【哈哈…唔話俾你知,,】
呢個時候阿爸沖完涼出到黎....
爸【咦…乜你地黎左呀...哎呀阿仁,,你識唔識整整部電腦呀??我好似壞壞地呀...你幫我睇睇丫】
就係咁阿爸同阿SIR就入左房整電腦*
忽然有種好奇怪感覺，
點解全家人關係好左咁多?!
係咪都表示我都應該親口同阿柔姨姨同阿SIR分別講聲阿爸阿媽呢?!
但係又點分開呀?!
兩PAIR人**好難叫o個喎=0="
我【阿柔姨姨,,,,其實係咪發生左D事而我又唔知嫁?】
柔【有咩會發生呀???】
阿媽同阿柔姨姨都不約而同望住一齊笑..
而我只係好尷尬，又摸不著頭腦不斷咁諗.....唉…
.*第六十章°[習慣*
其實一家人和和合合相處都不失為壞事丫，
本來就係應份o既事，只不過我o既屋企係比較特別ja*
當大家都興高彩烈o既時候，大家整整齊齊坐係客廳。
呢個時候阿SIR拎左張紅帖出黎.....
SIR【其實今次黎唔止俾手信大家，其實仲想俾將.....】
阿SIR就紅著臉，由衣服衫袋中拎左張紅色o既帖。
爸【哈哈…咁咪好囉…有冇野想我地幫呢?】
阿爸接過紅帖....
我相信我o既夢亦都即將實現。
進入教堂呢個夢我相信亦即將真真實實映入眼簾。
就係咁佢地o既歡笑不斷都係我耳中徘徊…
或者呢件事已經丟淡左一段時間，
對我黎講都唔算什麼大消息…
或許我已經有一個心理準備啦…
阿媽同阿sir離開之後,,,
阿爸同阿柔姨姨都番左房，
而我就係間房度發呆。
又無話特別唔高興o既,,但總有種感覺唔想去接受。
但其實我係唔反對o個啵,,,
總之個心情就十五十六,,好矛盾啦!!
半夜我仲未訓，阿柔姨姨就輕輕拍我道門。
或者我門縫有我間房o既光透左出去，所以佢知我未訓啦。
柔【未訓呀??有野諗唔通呢?!】
我【係呀,,有好多好多好多野都想問,,想解...】
呢個時候o既心情可能太累,,已經提唔起勁,,,只係抱住好灰暗o既心態。
柔【係咪好突然點解我同阿絲都去左旅行呢?!】
阿柔姨姨拉左張鄧去我床邊..而我亦都坐左起身。
柔【因為之前我同阿絲傾過偈。我都有同佢講,,其實你阿爸仲未放得低佢...】
阿柔姨姨眼中並沒有一絲o既失望及唔開心....
我點一點頭,,示意繼續講落去。
柔【然後阿絲就話都就快同阿仁結婚，之後就會有好多野都會過去。就叫我俾D時間自己去散下心囉,,,哈哈,,而家我諗通左好多嫁拿】
我【咁點解阿媽又去左旅行o既?】
柔【佢話去泰國買下屋企d裝飾丫嘛…平好多嫁,,,又有特式啵...】
我【咁點解你唔同埋阿媽一齊去泰國o既?】
柔【我諗住獨立D一個人去旅行嘛...嘰】
呢個時候我又眼濕濕勒...我即刻攬住阿柔姨姨..
我【你知唔知我好驚你失驚無神走左去呀...我怕無左你呀...】
柔【傻妹，你覺得我係d咁無分寸,,話走就走o既人咩...哈哈】
阿柔姨姨好溫柔咁掃我頭髮...
亦都掃出我o既眼淚,,,,
或者我真係太累太累....連我最弱o既都表露左出黎...
柔【傻妹,,,唔駛喊咁嚴重啵...我同你心靈上咁近...你有咩都搵到我嫁嘛,,,怕咩我走左去喎...】
我【但,,,但一個人唔係身邊,,,就唔係身邊,,,就算距離幾近都好,,,種感覺都好難受嫁...嗚...】
柔【阿冰,,係咪你同阿烈o個邊有問題呀?!】
我【我都唔知呀,,,,唉。】
柔【唔好諗咁多野勒，快D訓啦,,,聽日仲要番學嫁嘛。可能聽日有辦法解決呢..】
阿柔姨姨將我訓番落張床度,,,拉好被,,,,然後起身準備熄燈。
而我亦都收起眼淚。講左一句......
我【今次旅行都好丫，阿爸終於明白從失去中學懂珍惜嫁,,,阿媽】
而阿柔姨姨呢位阿媽亦都感到意外及高興。
其實，我親口叫出呢句阿媽，連我都感覺到愉快。
種感覺比真正o既阿媽,,,叫得更親切更自在。
朝早番學，無論尋晚我夠唔夠訓，
我都係好早咁番到學校。
原因無他o既,,,,都係因為【習慣】。
番到去同平時無乜分別，都係見到阿烈阿昆打緊波。
今日阿恆仲比我早番去。
我種感覺當然係呷醋啦。
不過我同阿烈無名無份，當然無得名正言順去妒忌。
當我坐係阿恆身邊，佢o既笑意已經好睇到佢內心o既幸福美滿咁。
恆【咦…你條手鏈幾靚啵,,,,】
我微笑左一下,,無意識解答落去。
或者以前o既我,,我會亳無保留去講..
但,,,而家或者我已經漸漸明白到呢個世界係需要同每一個人保持距離。
我諗諗下呢條0303手鏈.,,我下意識先記得阿烈送俾我o既頸鏈係我條頸上....
再望望下打緊波o既阿烈，好似有好多野都把握唔到,,,捉不到。
連阿烈對我o既感覺，亦都好似漸漸失去。
而我對佢o既感覺呢?!我覺得有D動搖....
但我唔敢話我完全唔係鍾意佢，只係對比起以前種感覺....
忽然有種好飄忽不定，連我自己都仲未肯定。
係咪因為阿恆?!
呢樣我仲未肯定.......
