人格分裂
唔知大家有冇聽過人格分裂，不過我相信大部分人都聽過，只係唔知咩嚟人格分裂可以話係屬於精神病嘅一種(唔係瘋瘋癲癲嗰種，大家對精神病患者唔好有誤解><)，當一個人處於精神緊張並達至極
點嘅時候可能會出現呢種現象，當第二人格出現時，患者一般會有先兆(例如頭痛)，可能會做出一啲佢平日唔會做嘅事，但係患者係唔會記得佢做過
咩嘢。所以如果有人同佢講佢做左啲咩嘢，而嗰啲事嗰個係患者嘅第二人格做嘅話，就算你點講佢都唔會認，因為佢根本唔記得，但
係都唔好話佢講大話，因為實際上真係唔係佢做，係佢嘅第二人格做，你只有叫佢個第二人格出嚟佢先會認。而且你話佢講大
話，其他人又話佢講大話嘅話，又對患者造成精神緊張，患者又忍耐左好耐嘅話，咁就又有可能做出第三人格。
如果人格不停咁分裂落去，患者可以話唔係人，因為如果患者製造出一個專門嬲嘅人格的話，佢平日所有嘅憤怒，都會全數
加諸於嗰個人格度，咁樣患者原先嘅人格就會變到唔識嬲，而佢嗰個人格一出現就會將平日所受嘅壓力同憤怒一次發洩出嚟，
如果患者平日受嘅壓力好大嘅話，咁就會更加麻煩。
如果要將人格合成一體，係好困難，因為要第二/三/N人格應承左先得，因為如果用強硬嘅手段，可能會失敗；但係要將人格消
滅，患者嘅第二/三/N人格一定唔會應承(想像有個人無緣無故要你死你都唔肯= =)，所以大多數都係用集合嘅方法，但係用
集合嘅方法一樣會有危險性，因為一出錯，失敗左，可能會分裂出更加多嘅人格。
科學家仲未知道點解會出現人格分裂症，同埋其他人格會有記憶，如果係多重人格患者，會有一個人格是擔任「記錄者」嘅角色，
知道關於其他人格嘅事，除左「記錄者」，其他人格一概唔知道有關其他人格嘅事。仲有，患者喺有負面思想時會聽到一把唔知
從何而來嘅聲，講嘢嘅內容都係正面，當同嗰把聲講嘢嘅時候，問佢男定女，佢會答「可以話男，可以話女；都可以話唔係男，
亦都可以話唔係女。」當問佢係邊個，佢會答「我係嚟幫你架。」仲未有科學家知道呢把聲喺邊度嚟，都叫佢做「內心自助者」
人格分裂嘅個案實在係好少，十年先有兩三單，所以而家仲未有一種可以有效治好人格分裂嘅方法。
----------------------------------------------------------------------------------------------------------------------------------------------------------------------
打左我二十五分鐘，手指就快斷啦 ......，希望大家唔好再誤解人格分裂病患者了，人地已經好慘啦~~~
仲有，叮囑大家，有壓力要用適當嘅方法發洩出嚟，唔好收收埋埋，如果唔係等耐左有可能會有不良影響(唔一定係人格分裂)
P.S.：外國有一個女人，有五個人格，每一個人格都有名字，佢喺五歲創造左第一個人格，其後喺佢小學、小學後期、初中同埋高中嘅時候創造出其他四個人格，係屬於少有嘅多重人格症，後來所有嘅人格全部合返晒，係一個少有嘅成功例子。
頁:
[1]